قصــــة غـــــرامي
كان قصدك في عدامي تحكمين
التنفيذ فالجسد بس يبقى هواي
وكانك مادريتي أبا منك تعرفين
كل يوم بحياتي يتزايد وفاي
قصة غرامي ماهي مجرد كلمتين
من قريب أحبك ومن بعيد هاي
أعتمدتك في سجلي من سنين
الأخوة والمحبة وكل أقرباي
كل ليلة في عيوني ترقدين
والظهيرة أختبيتي في حشاي
حتى حلمك قلت لك لاتحلمين
أحلم بدالك وأضمه في عناي
وإذا في المحبة قصدك تقيسين
م أنوجد مقياس يحدد مستواي
عدي الرمل والبحر لو تقدرين
والشجر وكل قطرة في سماي
بيني وأبن الملوح بس خطوتين
أنا ف الصدارة وهو يبقى وراي
لا وأزيدك من الشعر بيتين
أنتي أول أحلامي وأخر مناي