عروق الحب
عروق الحب ذبلن في يديك ومات لو تدرين
. رجع ويظنها الصدفة تنادي له بعد مـــره
تألم وأهلك سنينٍ ولكن ما قوى لسنيــــن
ومجنون الهوى لا شك مغلوبٍ على أمـــره
يحبك.. ليت قلبه مثل قلبك يرخص المغلين
.نساك وما بقى منه معك شيٍ سوى هجره
تشوفين الأمل يضوي على دربك ولا تسرين
ولوهو في يده ما عاش لك مدفون في صبره
حياتي لو غزير الدمع ينبت بسمة الباكين
زماني ابتسمت وقد نسيت الحزن والحــسرة
ولو عشنا سوى ما نفترق وحظوظنا مقفين
حشا ما نرتشف من فرحة الدنيا ولو قطـرة
ولو صرنا جسد واحد وصرنا داخله روحين
مع الله مايفرقنا الزمان ومكره وغـــدره
أنا الحب اللي عروقي معك ذبلن ولاتدرين
رجعت أظن تجمعني بك الصدفة بعد مــره